1. أنا أتلهيت و خدل زندى و انا ولا عنتر ولا غاندى ان كانت الغلطات من دى يكون ف عون اللى عملها 2. ان كان علي الملح اكلناة و انا كان علي السجن دخلناة و الجوع نحلنا و نحلناة خلي الي فاضل لرجلها 3. قالوا اللى يشرب من بيرك لابد يرجع و يجيلك و انا اللى عطشان ف سبيلك الدنيا ايه اللى جرالها 4…
حبيبتي يا مدينة متزوقة وحزينة فى كل حارة حسرة وف كل قصر زينة ممنوع من اني اصبح بعشقك.. او ابات ممنوع من المناقشة ممنوع من السكات وكل يوم فى حبك تزيد الممنوعات وكل يوم بحبك اكتر من اللى فات
حبيبتي يا سفينة متشوقة وسجينه مخبر فى كل عقدة عسكر فى كل مينا يمنعني لو اغير عليكي او اطير ليكي واستجير بحضنك او انام فى حجرك الوسيع وقلبك الربيع اعود كما الرضيع بحرقه الفطام
ممنوع من السفر ممنوع من السفر ممنوع من الغنا ممنوع من الكلام ممنوع من الاشتياق ممنوع من الاستياء ممنوع من الابتسام وكل يوم فى حبك تزيد الممنوعات وكل يوم بحبك اكتر من اللى فات