من قبل لوم العوازل كان السلام بالإيد, صبح السلام بالاشاره ومن بعيد لبعيد

موال متقسمة, لرمضان البرنس
"من قبل لوم العوازل كان السلام بالإيد, صبح السلام بالاشاره ومن بعيد لبعيد
ياناس عليكم حرام, دا هوانا لسه جديد, علمتوا قلبي البكاء حتى في يوم العيد
ليلي, ياليلي, ياليل
دقيت ع الابواب قالوا كفاية, دا مافيش حد, 

وناديت ع الاحباب قالوا كفاية, ومين حيرد؟
القمر مسافر, والسهر مسافر, والفرحه مسافره, حتى الحزن سافر
كل الناس مسافره, وهي قريبه مني, كل الناس في غربه, ومين حيسئل عني.
واحنا قريبين, وهم قريبين, لكن من سنين, سنين, كلنا مسافرين.
متقسمه, ياعيني, ودا بخت مال فيها, دنيا عذاب, 

عذاب ياعيني, مالناش نصيب نصيب فيها.
الفرح مش لينا, والسعد مش لينا, واللي انكتب لينا, جروح نعيش بيها
احنا نصيبنا دموع, وتأيد لغيرنا شموع, وشموعنا تطفيه
نصيبنا كدا, وقسمتنا كدا, من يوم ماجيناها واحنا كدا
من يوم ماجيناها بنتألم, وغلبنا نشكي ونتألم, والحزن تملي يبكينا,

ويجرب فينا ويتعلم, كل الاحباب غدروا بينا, نسيونا ونسيوا اسامينا,

 وتملي القسى يبقى نصيبنا, والحزن ياعيني ماهوش لينا.
ع القسمه ماهما بنتحايل, البخت حزين, برضه ومايل, 

عايشين تايهين ويا الحيره, والدمع من الاحزان سايل.
بالحب اصحابنا وعدونا, لقيناها بعدوا وعدونا, 

وداوينا جروحهم, جرحونا, وماهنش عليهم يداوونا.
ادينا حنان, اخدنا أسيه, استخصروا فينا الحنيه, 

قلوب حبابينا بتتغير, قلوبنا احنا زي ماهي
ع الشوك ماشيين عمر بحاله, شكينا للناس قالوا وماله
ولا حد ياعيني سئل فينا, في زمن غدار ولا ع باله
الفرح بعيد صعب علينا, ان جانا في يوم يبكي علينا, 

الحزن معشش في قلوبنا,الهم في روحنا وحوالينا.
الشكوى ياعيني ماجاش منها, دا مرار الصبر احسن منها, 

عمر الدنيا دي ما ترحمنا, دا احنا عارفينها وفاهمينها.
متقسمه